Á fimmtudagskvöld förum við Valsarar í heimsókn á gervigrasið í Garðabæ og spilum gegn spútnikliði Stjörnunnar. Garðabæjarliðið er búið að koma mikið á óvart í sumar og skellti m.a. Fram 4-1 á dögunum en einnig fengið sína skelli gegn FH og síðan Fylki í bikarnum. Blikar lögðu Stjörnumenn á mánudaginn og Valsarar verða að vona að nýja brumið sé farið af nýliðunum. Leikurinn hefst klukkan 19.15.

Lesendur geta unnið sér inn einn fisléttan í Stuðaratjaldinu á næsta heimaleik með því að giska á rétt úrslit í athugasemdunum.

Þorgrímur Þráins lagði línurnar í kvöld og það var ekki að sökum að spyrja. Pétur Georg Markan sýndi að það er ekkert sem amar að honum og gaf tóninn eftir 7-8 sekúndur. Það er þá nákvæmlega ekkert AÐ Markan eftir allt saman, a.m.k á meðan ákveðinn maður er utan landhelgi. Ólafur Páll klýndi öðru marki eftir 10. mínútna leik og þar við sat. 2-0 sigur hjá Val og við skríðum hægt og rólega upp töfluna.

Umfjöllun um leikinn kemur inn á morgun en þangað til er orðið laust fyrir lesendur.