Allt bendir til þess að KR sé við það að selja þá Guðmund Reyni Gunnarsson og Guðjón Baldvinsson til GAIS frá Gautaborg. Ekki er hægt að segja að hér sé um að ræða stórklúbb á Skandinavískan mælikvarða. Í það minnsta hafði Jónas Kristinsson lítið álit á félaginum fyrr á þessu ári:

"Bæði við í KR og Guðmundur sjálfum erum pollrólegir þrátt fyrir að þetta jójó félag í sænsku deildinni hafi áhuga.

Það er ekki spurning að Guðmundur fer einhverntíman út í atvinnumennsku, en þetta er ekki besti kosturinn í stöðunni."

Sænskt jójó félag sagði Jónas þá. Nú eru KR-ingar að selja ekki einn heldur tvo af sínum efnilegustu mönnum til GAIS. Sænski jójó klúbburinn hefur margoft áður reynt að ná í íslenska leikmenn en oftar ekki misst af gæsinni. Það er spurning hvað hefur breyst í þeim efnum.