Í annað sinn á sínum þjálfaraferli hefur Guðjón Þórðarson verið rekinn frá ÍA. Sagan segir að í fyrra skiptið hafi félagið mátt þola að borga samning hans upp í topp og að um hafi verið að ræða dýrasta brottrekstur íslenskrar knattspyrnu. Gott ef ekki kom til málaferla milli hans og félagsins. Samningsriftunin nú og ráðning nýrra þjálfara kostar eflaust skyldingin fyrir rekstararfélag ÍA.

Hákarlarnir á Hlíðarenda, Kaplakrika og Frostaskjóli virðast strax vera farnir að finna blóðlyktina og sú tröllasaga gengur fjöllum hærra að Bjarni sonur Guðjóns verði hluti af fórnarkostnaðinum við ráðningu tvíburanna.

Lítill fugl hvíslaði því í eyru valsara.is að Valsmenn ætli að bjóða ÍA talsverðan pening og Akurnesinginn Hafþór Ægi í skiptum fyrir Bjarna en Hafþór virðist ekki vera í náðinni hjá Willumi þessa dagana. Skagamenn hljóta samt að spyrja sig hvort þeir séu ekki að skrifa undir eigin hengingu með því að selja sinn besta mann í þessari stöðu í deildinni.

(Mynd: http://kfia.is)