Gróa er á fullu þessa dagana og laumaði eftirfarandi að okkur;

Ólýginn sagði mér, en hafðu mig samt ekki fyrir því blessaður, að Valur á í viðræðum við nokkra leikmenn um þessar mundir. Skagamennirnir Jón Vilhelm Ákason og Hafþór Ægir Vilhjálmsson munu skrifa undir hjá Val á næstu dögum. Jón Vilhelm er að renna út á samning við ÍA og Hafþór sem er samningslaus fær annað tækifæri til að sanna sig hjá Val. Einnig er verið að reyna að fá Alfreð Finnbogason hjá Breiðablik en líklegast mun hann fara erlendis í haust. Verði hann hér heima er Valur vænlegasti kosturinn. Svo er það Viktor Bjarki Arnarson sem ætlar að láta gamlan draum rætast og leika með Val næsta sumar en hann er við það að klára samning sinn hjá Lilleström í Noregi. Fleira var það ekki í bili.