Pistlar - Valsarar.is

Af handahófi

Nýjustu athugasemdir

• Atli
It is perfect that we can take the mortgage loans and that o...

15:51, 15.07.2011

ChristianAnnie18

• Dagskránni lokið
Sorglegt ef rétt reynist. Skil samt vel að menn geti ekki ...

12:04, 26.10.2010

Ási Sveinss

• Dagskránni lokið
Nú hljótum við að fá fullt af nýjum leikmönnum sem mu...

16:20, 09.10.2010

Rauður

• Dagskránni lokið
nei nei nei, enga svona vitleysu að hætta ! Pistlarnir eru...

20:18, 01.10.2010

Igor

• Dagskránni lokið
Takk fyrir allt strákar. Ég hef fulla trú á að þið k...

19:19, 01.10.2010

Valsarinn

Skráning á póstlista

Málning þornar á endanum

Höfundur: Tryggvi Jónsson
Mánudagur, 09. ágúst 2010 13:31
Framlag Vals til Gleðigöngu Hinsegin daga var 90 mínútna leiðinda hátíð. Eða svo segja menn. Greinilegt var að Gulli Jóns er farinn að horfa niður fyrir sig á töflunni frekar en upp á við því tap gegn Grindavík hefði þýtt að gestirnir hefðu verið aðeins þremur stigum á eftir Val. 0-0 jafntefli og langrþráð hreint mark leit dagsins ljós og greinilegt var á viðtölum eftir leik að þungu fargi var létt af Valsliðinu hvað það varðaði. Eftir velheppnaða ferð norður í land var fulltrúi Valsara.is mættur á heimaleik gegn Grindavík. Eitthvað settu umferðartafir strik í ferðaáætlun síðuskrifara þannig að fyrri hálfleikur gekk úr skaftinu og mátti þakka fyrir að ná síðustu 40 mínútum leiksins. Sessunautur minn á Vodafonevellinum fulllvissaði mig um að ekkert stórmerkilegt hefði átt sér stað fram að því og síðar um kvöldið staðfestu Pepsi mörkin með Magga Gylfa og félögum það. Gulli Jóns var furðu líflegur á línunni miðað við oft áður í sumar og hver veit nema að pressan sé farin að ná til hans. Liðið virtist hugsa mest megnis um að tapa ekki leiknum og tók litlar áhættur fram á við. Reyndar virðist liðinu orðið lífsins ómögulegt að sækja enda losuðu menn sig við einu sóknarmenn félagsins í félagaskiptaglugganum. Síðasta korterið var nánast eign Grindvíkinga sem voru óheppnir að læða ekki inn marki enda sýndu þeir mun meiri sigurvilja og fengu hættulegri færi. Valsarar.is hafa verið duglegir að benda á markahrinu Valsliðsins síðastliðið ár. Núna loksins komu helstu fjölmiðlamógúlar landsins auga á þessa skelfilegu tölfræði en Valsarar.is taka ekkert aukalega fyrir að vekja athygli á þessu. Liðið batt enda á 20 leikja hrinu í deildinni þar sem það fékk á sig mark og ef bikarleikir eru taldir með þá eru þeir orðnir fimm í röð. Þessir leikir skarast á innbyrðis við deildarleikja hrinuna svo menn skulu forðast að telja þetta sem 25 leiki í röð heldur eru þetta 20 leikir í deild og fimm í bikar. Glósaðu þetta blaðamaður. Næsti leikur Vals er gegn Fylki á mánudaginn eftir viku. Eini virkilega góði leikur Vals kom einmitt gegn Árbæjarliðinu og kannski menn endurtaki þá gleði. Nánar að því síðar. Framlag Vals til Gleðigöngu Hinsegin daga var 90 mínútna leiðinda hátíð. Eða svo segja menn. Ljóst var að Gulli Jóns er farinn að horfa niður fyrir sig á töflunni frekar en upp á við því tap gegn Grindavík hefði þýtt að gestirnir hefðu verið aðeins þremur stigum á eftir Val. 0-0 jafntefli og langrþráð hreint mark leit dagsins ljós og greinilegt var á viðtölum eftir leik að þungu fargi var létt af Valsliðinu hvað það varðaði. Eftir velheppnaða ferð norður í land var fulltrúi Valsara.is mættur á heimaleik gegn Grindavík. Eitthvað settu umferðartafir strik í ferðaáætlun síðuskrifara þannig að fyrri hálfleikur gekk úr skaftinu og mátti þakka fyrir að ná síðustu 40 mínútum leiksins. Sessunautur minn á Vodafonevellinum fulllvissaði mig um að ekkert stórmerkilegt hefði átt sér stað fram að því og síðar um kvöldið staðfestu Pepsi mörkin með Magga Gylfa og félögum það að mestu. Gulli Jóns var furðu líflegur á línunni miðað við oft áður í sumar og hver veit nema að pressan sé farin að ná til hans. Liðið virtist hugsa mest megnis um að tapa ekki leiknum og tók litlar áhættur fram á við. Reyndar virðist liðinu orðið lífsins ómögulegt að sækja enda losuðu menn sig við einu sóknarmenn félagsins í félagaskiptaglugganum. Síðasta korterið var nánast eign Grindvíkinga sem voru óheppnir að læða ekki inn marki enda sýndu þeir meiri sigurvilja og fengu hættulegri færi. Núverandi uppbyggingar áform gætu tekið tíma Valsarar.is hafa verið duglegir að benda á markahrinu Valsliðsins síðastliðið ár. Núna loksins komu helstu fjölmiðlamógúlar landsins auga á þessa skelfilegu tölfræði en Valsarar.is taka ekkert aukalega fyrir að vekja athygli á þessu. Liðið batt enda á 20 leikja hrinu í deildinni þar sem það fékk á sig mark og ef bikarleikir eru taldir með þá eru þeir orðnir fimm í röð. Þessir leikir skarast á innbyrðis við deildarleikja hrinuna svo menn skulu forðast að telja þetta sem 25 leiki í röð heldur eru þetta 20 leikir í deild og fimm í bikar. Glósaðu þetta blaðamaður. Annars er lítið um þennan leik að segja en svo virðist sem að menn óttist að stigasöfnun í ágúst og september geti reynds erfið. Næsti leikur í uppbyggingarferli Vals er gegn Fylki á mánudaginn eftir viku. Eini virkilega góði leikur Vals á þessu Íslandsmóti kom einmitt gegn Árbæjarliðinu og kannski að menn endurtaki þá gleði. Nánar að því síðar. Besservisserar (33)
Síðast uppfært: Mánudagur, 09. ágúst 2010 13:51

Áfram hitt liðið!

Höfundur: Valþór Druzin
Laugardagur, 07. ágúst 2010 18:05
Valsarar.is óska þeim sem spila fyrir hitt liðið, aðstandendum þeirra og öllum Íslendingum til hamingju með daginn. Besservisserar (0)

Reykspólað yfir Valsliðið

Höfundur: Tryggvi Jónsson
Fimmtudagur, 05. ágúst 2010 01:18
Græni Mustanginn skildi Valsmenn eftir í reykskýi 5-0 tap gegn Breiðabliki eru eftirköst verslunarmannahelgarinnar fyrir Valsara. Þetta er einn af þessum leikjum sem þarf ekki að segja frá í löngu máli því markataflan segir í raun allt sem segja þarf. Undanfarin misseri hafa undirsátar Gunnlaugs Jónssonar sýnt á sér ýmis veikleikamerki. Þegar Valur mætti besta sóknarliði landsins var ljóst að ýtt yrði á allar veikustu hliðar á hinu brotthætta burðarvirki sem Valsliðið er. Þegar á reyndi var ekki að sökum að spyrja, húsið á sandinum féll og 5-0 niðurlæging lokaúrslit. Hafi einhver efast um að þetta tímabil sé um margt líkt því síðasta þá hlýtur þessi leikur að hafa tekið af allan vafa um það. Að loknum 14 leikjum er liðið með 18 stig eða einu minna heldur en eftir 14 umferðir á síðasta tímabili. Þar við bætist að liðið hefur fengið á sig mark í hverjum einasta leik í sumar og alls 20 deildarleikjum í röð. Á síðasta ári var allt að ganga af göflunum en nú þykir þessi staða vera lítt óeðlileg. Hvort það hafi með einhverjar uppbyggingar hugmyndir að gera er vafamál því erfitt er að koma auga á einhverja nýja vinkla sem geta nýst á komandi árum. Valsmenn voru ágætir framan af en eins og svo oft á þessu Íslandsmóti hægði á liðinu fram að hálfleik og menn gleymdu sér í varnarvinnunni þegar Jökull Elísarbetarson komst á auðan sjó og skoraði laglegt mark. Valur átti sín færi fram að því en líkt og venja er orðin í sumar fóru þau til spillis. Í seinni hálfleik má liðið eiga það að sýnd var viss viðleitni til að laga sinn hlut en um leið og annað mark Blika kom var ljóst að mótspyrnunni var lokið. Meistaraefnin úr Kópavogi gengu á lagið og reykspóluðu yfir flata Valsmenn sem hafa brotlent algjörlega eftir fimm leikja sigurgöngu í deild og bikar í maí og júní. Rassskelling af hendi Breiðabliks var ekki neitt sem kom verulega á óvart og helstu tipparar landsins hafa eflaust ekki velkst í vafa um hvaða merki átti að setja á leikinn fyrir fram. Valur fékk auðvitað slæma útreið gegn Fram á dögunum í bikarkeppninni og eins töluðu fjölmiðlar um hvað liðið brotnaði saman við að fá jöfnunarmark á sig gegn ÍBV á dögunum. Liðinu virðist skorta það andlega og líkamlega þrek sem þarf til í alltof mörgum leikjum. Óhjákvæmilega er kominn tími á að ræða þátt þjálfarans, hvaða braut hann er að feta með liðið og hvort reynsluleysi hans sé ekki að koma í bakið á mönnum. Nánar að því síðar. Besservisserar (17)
Síðast uppfært: Fimmtudagur, 05. ágúst 2010 14:10

Stórmeistara jafntefli

Höfundur: Tryggvi Jónsson
Mánudagur, 19. júlí 2010 10:02
Leiðir Vals og FH skildu eftir 2007 Aðeins tvö lið hafa orðið Íslandsmeistarar á síðustu sex ár og mættust þau á Kaplakrikavelli á sunnudagskvöldið í bongó blíðu. Fyrir þremur árum veltu Valsmenn Hafnarfjarðarrisanum af stalli á sama velli og á síðasta ári fögnuðu FH-ingar titlinum í andlitið á andlausu liði Vals sem náði 8. sæti. Stórmeistara jafntefli var niðurstaðan í kvöld sem var sum part svekkjandi en eðlileg niðurstaða miðað við þróun leiksins. FH-ingar hafa haldið sínu striki síðustu árin og segja má að leiðir hafi skilist milli þeirra og Vals eftir leikinn fræga árið 2007. Valur hefur verið fastur í miðjumoðinu með miklum tilkostnaði en FH haldið sig við að hirða Íslandsmeistaratitilinn. Stærsti munurinn milli liðanna er líklega sá að FH mætir til leiks með sóknaráætlun í sína leiki en síðustu árin hefur Valur verið í meiri iðnaðarmanna bolta. Valsmenn byrjuðu vel líkt og þeir gerðu í mörgum leikjum framan af móti. Klúður König sóaði fyrsta færinu sínu snemma leiks en Haukur Páll fékk alla til að gleyma því skömmu síðar þegar hann skoraði laglegt mark eftir að hafa gabbað varnarmenn FH. Okkar menn voru með góða stjórn á leiknum og aldrei þessu vant gekk boltinn nokkuð vel á milli leikmanna. Klúður König komst síðan aftur í færi skömmu eftir mark Hauks en skaut boltanum í stöngina úr þröngri stöðu og vonuðust Valsarar til að nú væri klúður kvótinn kláraður hjá þeim danska. Því miður reyndist það tóm óskhyggja. König vantar mikið upp á til að fullkomna sinn leik Eftir að hafa stjórnað drjúgum hluta fyrri hálfleiks tók liðið aðeins eins marks forskot með sér í búningsherbergið. FH-ingar skora jafnan nokkur mörk á sínum heimavelli og Valsmenn fá undantekningalaust á sig a.m.k. eitt mark í leik svo ljóst mátti vera að ekki myndi duga að hanga á 0-1 forystu. Byrjun seinni hálfeiks lofaði góðu og svo virtist sem Jón Vilhelm hefði komið Val í 0-2 en Magnús Þórisson sá eitthvað sem enginn annar tók eftir og gaf FH aukaspyrnu og hafði mark af Val. Vægast sagt fáránleg ákvörðun og magnað hvað við njótum sjaldan vafans í svona tilfellum. Valsmenn héldu áfram að vera með undirtökin og eftir um 60 mínútur var Heimi Guðjónssyni nóg boðið og gerði tvöfalda skiptingu á sínu liði. Skömmu síðar þurfti Sigurbjörn Hreiðarsson að fara af velli vegna meiðsla en hann hafði verið drjúgur fram að því. Þetta reyndist vatn á myllu FH-inga sem tóku að ýta Valsliðinu aftar á völlinn og eftir um 70 mínútna leik var komið að fasta liðnum hjá Valsliðinu. Torger Motland jafnaði þá leikinn en sá norski hefur ekki verið að gera miklar rósir til þessa. Var þetta 18 deildarleikurinn í röð sem Valur fær á sig mark, svo því sé haldið til haga. Jafnræði var með liðunum eftir markið en heimamenn eitthvað aðeins líklegri til að hirða þrjú stig. Undir lok leiksins fengu Valsmenn síðan aukaspyrnu rétt fyrir aftan miðju. Martin Petersen tók sér óratíma í að sparka boltanum og Magnús Þórisson blés leikinn af meðan boltinn sveif um loftið. Óþarfa tímasóun hjá Petersen þegar ljóst var að leiktíminn var að renna út og lét Arnar Sveinn hann heyra það óþvegið. Fótbolti.net talar um agavandamál hjá Dönum liðsins í viðtali við Gunnlaug Jónsson og eins voru nefndar kítingar milli Arnars Sveins og Pedersen að leik loknum. Þjálfarinn segir agamálin vera leyst, deilur milli leikmanna séu af hinu góðu og sýni að það sé skap í mönnum. Vonandi að svo sé því nóg er nú ruglið samt. Fyrir Íslandsmótið var gripið í frasahandbókina og talað um að liðið væri að taka uppbyggingartímabil en slíkt er talið óbrigðult ráð til að létta af kröfum á keppnisliðum. Að notast við handónýtan danskan framherja í hverri umferð er varla hluti af þessum uppbyggingar áformum og þegar agavandamál bætast í ofan á lag verður sífellt erfiðara að átta sig á eftir hvaða plani er verið að vinna. Líklegasta skýringin á veru König í byrjunarliðinu er að hann velur sig nánast sjálfur í liðið enda varla neinn annar framherji á boðstólum. Pedersen getur aftur á móti bætt fyrir eitt stykki fyllerí með þokkalegum framstöðum. Jafntefli í Kaplakrika eru alls ekki slæm úrslit en Valsarar eru orðnir frekar langeygir eftir sigri sem hefði vel getað dottið okkar megin. Sérstaklega þar sem FH-ingar virkuðu enn þotuþreyttir eftir sneypuför til Hvíta Rússlands og alls ekki tilbúnir í neinn hörku leik. Næsti leikur Vals er gegn ÍBV í Eyjum á sunnudag. Sjáum til hvort það verði komið nánar að því síðar. Besservisserar (16)
Síðast uppfært: Mánudagur, 19. júlí 2010 11:38