Grafarvogurinn er úthverfi. Úthverfi í dýpsta skilningi þess orðs. Þegar Bó Halldórs talar um “Bolinn” þá er hann mjög líklega að meina einhvern sem býr í Grafarvogi. Þangað á enginn erindi nema annað hvort til þess að fara að sofa eða þá að heimsækja einhvern sem býr þar. Helstu kennileiti eru Gufuneskirkjugarður og hamborgrastaður sem selur borgara sem mannlega ómögulegt er að klára. Fólk sem þekkir engan sem á heima í Grafarvogi, engan sem er jarðaður þar eða borðar ekki hamborgara, hefur mjög líklega aldrei stigið fæti inn fyrir Gullinbrú.
Fylkismenn eru andstæðingar okkar Valsara í kvöld. Árbæingar hafa byrjað mótið á versta mögulega hátt og tapað báðum sínum leikjum, fyrst gegn Fram á heimavelli og síðan Keflavík suður með sjó. Segja má að félagið hafi verið áberandi í fjölmiðlum undanfarið og það ekki af eftirsóknarverðum ástæðum. Mikill og hávær kvittur hefur verið um slæma fjárhagsstöðu klúbbsins og jafnvel þó að hér kunni að vera um storm í vatnsglasi að ræða þá er það samt ergilegt fyrir forráðamenn liðins að standa íað neita slíku.
20 ára biðinni er lokið og það má segja að Valur sé kominn tilbaka með látum.Valur er með besta “hrygginn” í deildinni, Kjartan í markinu, Atla í vörninni, Pálma á miðjunni og svo Helga á toppnum.Þegar við bætist að liðið er með tvo menn í næstum hverja einustu stöðu þá liggur fyrir að það er erfitt að vinna þetta lið.Þeir eru líka þjálfaðir af Willum.Nú þegar liðum hefur loks verið fjölgað í deildinni mun getumunur liðanna verða enn skýrari og gæði og breidd Valsliðsins mun tryggja það að titilinn verði áfram á Hlíðarenda.
2. Breiðablik
Breiðablik var að spila flottan fótbolta síðasta sumar en höfðu ekki alltaf heppnina með sér.Þetta árið verður breyting á og hjólin munu snúast með blikunum.Marel Baldvinsson er líka kominn aftur í Kópavoginn og hann hefur sýnt síðustu ár að hann getur skorað allt að því mark í leik hér á Íslandi á annarri löppinni.Verði hann með báðar í lagi mun hinn símontni Ólafur Kristjánsson verða ansi kátur.
