Ágætt væri ef hinir sívakandi íslensku fjölmiðlamenn myndu klippa saman helsta rugl KRistins á Vals leikjum. Gaman er að skoða framistöður Kristins á síðasta tímabili til nánari glöggvunar. Á Fram leiknum í fyrra gaf KRistinn Fram einmitt furðulega aukaspyrnu rétt fyrir utan teig á lokamínútunni sem leiddi til jöfnunarmarksins. Þegar hann dæmdi ÍA leikinn tók Gauji Þórðar hann á eintal í miðjum leik og eftir það dæmdi KRistinn eftir pöntunum Skagamanna. Gegn Fylki vorum við lélegir en KRistni tókst engu að síður að gefa Árbæingum umdeilda vítaspyrnu. Bikarleikinn við FH dæmdi KRistinn ágætlega. Að fara lengra aftur í tímann yrði bara til að æra óstöðugan.

Annað sem sumir fjölmiðlar mættu skoða er að fjalla álíka hlutlaust um uppistand FH-inga í stúkunni líkt og var gert um háðsglósurnar sem Hólmfríður Magnúsdóttir fékk á dögunum í leik Vals og KR. Fótbolti.fh hafði þetta um FH-ingana að segja:

"Það skemmtilegasta við fyrri hálfleikinn voru slagsmál sem brutust út undir lok fyrri hálfleiksins, tveir stuðningsmenn FH ætluðu að kynda í stuðningsmönnum Vals sem tóku ekki vel í það og brutust út smávægileg slagsmál."

Alltaf voða gaman þegar menn slást á fótboltaleikjum. Að minnsta kosti fyrir blaðamann fótbolta.net.

Hér er svo frétt fótbolta.net um "Stóra fyllibyttumálið":

http://www.fotbolti.net/fullStory.php?action=viewStory&id=62635