Hinn árvissi viðburður knattspyrnusumarsins er þegar einhver stuðningsmannahópur fær skömm í hattinn. Nú hefur þessi viðburður átt sér stað. Á internetinu logar allt í fólki sem móðgast sárlega fyrir hönd Hauks Inga og Ragnhildar Steinunnar. Allt vegna þess að einhverjar Garðabæjargelgjur voru að reyna að vera fyndnar á fótboltaleik. Eftir að hafa heyrt textann er ég ekki alveg að skilja hvar stóri skandallinn liggur. Kíkjum á þetta:

Valsarar voru mættir á Hlíðarenda í kvöld til að sjá sína menn taka á móti Þrótturum.  Fyrir leikinn voru Valsmenn með sjö stig en Þróttarar með tvö.  Leikurinn var síðasti leikurinn í hraðmótinu, eins og fyrstu umferðir Íslandsmótsins eru oft kallaðar, áður en landsleikjahléið skellur á og mikilvægt að fara inní það með sigri.

Valur vann mikilvægan 2-1 sigur gegn 10 leikmönnum Þróttar í kvöld. Segja má að Valsmenn rétt hangi inni í kapphlaupinu við FH sem byrja mótið með stæl enn eitt árið. Umfjöllun um leikinn kemur um hádegisbilið en þangað til er lesendum frjálst að skrá inn athugasemdir.

Í kvöld mæta Reykjavíkur Þróttarar í heimsókn á Hlíðarenda. Leikurinn hefst klukkan 19.15 en Valsarar eru hvattir til að mæta í upphitun frá klukkan 18.00 í partý tjaldinu okkar sem er staðsett á bakvið fjósið. Þróttur bíður enn eftir sínum fyrsta sigri en Valur þarf nauðsynlega á þremur stigum að halda til að missa ekki af toppbaráttunni þetta sumarið.

Valsarar.is komu inn á mál Péturs Georgs Markan á dögunum eftir að hinn framsækni leikmaður lét ginna sig í tvö viðtöl. Líkt og Valsarar.is bentu á var Pétur sæmilega ósáttur í viðtali við Hafliða Breiðfjörð en hjá Henrý Birgi var ekki annað að lesa en að verulega þungur tónn væri í Valsmanninum. Eðlilega var Pétur tekinn á teppið hjá Willum en samkvæmt heimildum Valsara.is ku Pétur ekki vera par sáttur við æsifréttamennskuna sem var undirliggjandi í grein Fréttablaðsins. Reyndar segir sagan að Pétur kannist bara alls ekki við þetta viðtal og sé meira en sáttur hjá Val hvað svo sem íþróttafréttamönnum dettur í hug að skrifa. Það er sem sagt ekkert að Markan.