Brottför hjá Baldri?

Einn helsti lykilleikmaður Vals á síðustu árum, Baldur Ingimar Aðalsteinsson er kominn með lausan samning í enn eitt skiptið. Frá því Baldur gekk til liðs við okkur í 1. deildinni fyrir tímabilið 2004 hefur hann jafnan gert saming til tveggja ára.

Eftir titil tímabilin 2005 (þar sem Baldur skoraði sigurmark bikarkeppninnar) og 2007 (þar sem Baldur skoraði fyrra markið gegn FH í 17. umferð) má segja að Húsvíkingurinn hafi verið í topp samningsaðstöðu. Mikið vatn hefur runnið til sjávar síðan þá. Meiðsli hafa þó plagað kappann allar götur síðan og má telja næsta öruggt að Valur geti ekki boðið honum sambærileg laun nú og á haustdögum 2007.

Baldur er samningsbundinn hjá Val til áramóta en lítið virðist þokast í rétt átt í viðræðum við Val um þessar mundir. Orðið á götunni er að mörg lið horfi hýru auga til Baldurs og eru þá Suðurnesjaliðin helst nefnd í því sambandi. Kvótagreifarnir í Grindavík eru aftur komnir með veskin á loft en sterkari er orðrómurinn um að Willum Þór Þórsson leggi ofurkapp á að fá Baldur til sín til Keflavíkur. Baldur býr og starfar í Reykjavík og því er það helst spurning hvort hann leggi daglegar ferðir um Reykjanesbrautina fyrir sig.

Stjórn Vals gerði vel á sínum tíma í að ná í þennan öfluga leikmann sem spilaði stórt hlutverk hjá sigursælu liði ÍA og ekki síður stærra hlutverk eftir að Valur komst í hóp þeirra bestu á nýjan leik. Eftir misheppnað eyðslufyllerí fyrir þetta tímabil og brotthvarf helstu styrktaraðila félagsins er ljóst að menn þurfa að brýna niðurskurðarhnífinn þennan vetur.

Eins er óljóst hversu mikla áherslu Gunnlaugur Jónsson leggur á að halda Baldri en hann hefur bætt við ungum miðjumönnum í Valsliðið undafarið sem eru augljóslega nokkrum launaflokkum neðar en þeir sem Valur hefur samið við á síðustu árum. Það gæti því verið komið að kveðjustund fyrir Baldur.

Einn helsti lykilleikmaður Vals á síðustu árum, Baldur Ingimar Aðalsteinsson er kominn með lausan samning í þriðja skiptið frá því að hann gekk til liðs við Val árið 2003. Baldur hefur jafnan gert samning til tveggja ára við Val sem kom sér vel fyrir leikmanninn við samnings endurnýjun í síðustu tvö skipti. En skjótt skipast veður í lofti og ljóst að annað umhverfi blasir við í dag.

Eftir titil tímabilin 2005 (þar sem Baldur skoraði sigurmark bikarkeppninnar) og 2007 (þar sem Baldur skoraði fyrra markið gegn FH í 17. umferð) má segja að Húsvíkingurinn hafi verið í drauma samningsaðstöðu við Val. Mikið vatn hefur runnið til sjávar síðan þá og ýmis smávægileg meiðsli plagað kappann í nær tvö ár þannig að hann hefur verið inni og út úr liðinu sitt á hvað nær allan þennan tíma. Öruggt er að Valur geti ekki boðið honum sambærileg laun nú og á haustdögum 2007 auk þess er óljóst hvernig Baldur kemur undan þessari strjálu spilamennsku.

Baldur er samningsbundinn hjá Val til áramóta en lítið virðist þokast í rétt átt í viðræðum við Val um þessar mundir samkvæmt heimildum Valsara.is. Orðið á götunni er að mörg lið horfi hýru auga til Baldurs og eru þá Suðurnesjaliðin helst nefnd í því sambandi. Kvótagreifarnir í Grindavík eru aftur komnir með veskin á loft en sterkari er orðrómurinn um að Willum Þór Þórsson leggi ofurkapp á að fá Baldur til sín til Keflavíkur. Baldur býr og starfar í Reykjavík og því er það helst spurning hvort hann leggi daglegar ferðir um Reykjanesbrautina fyrir sig. Síendurtekin meiðsli Baldurs setja eflaust líka strik í reikninginn og dregur eflaust úr áhuga einhverra liða.

Stjórn Vals gerði vel á sínum tíma í að ná í þennan öfluga leikmann sem spilaði stórt hlutverk hjá sigursælu liði ÍA og ekki síður stærra hlutverk með Val eftir að félagið komst í hóp þeirra bestu á nýjan leik. Ef ekki væri fyrir þrálát meiðsli hefði Baldur líklega getað átt prýðilegan feril í Skandinavíu líkt og margir aðrir frambærilegir íslenskir knattspyrnumenn. Þess í stað hafa ÍA og Valur notið hæfileika hans. 

Eftir misheppnað eyðslufyllerí fyrir þetta tímabil og brotthvarf helstu styrktaraðila félagsins er ljóst að menn þurfa að brýna niðurskurðarhnífinn þennan vetur. Eins er óljóst hversu mikla áherslu Gunnlaugur Jónsson leggur á að halda Baldri en hann hefur bætt við ungum miðjumönnum í Valsliðið undafarið sem eru augljóslega nokkrum launaflokkum neðar en þeir sem Valur hefur samið við á síðustu árum. Það gæti því verið komið að kveðjustund hjá Baldri.

*[mynd af fótbolti.net]

Að taka Börkinn

Valsarar.is eru sérlegir aðdáendur fjölmiðla fíaskóa af öllum stærðum og gerðum. Okkar kappsami formaður knattspyrnudeildar, Börkur Edvardsson hefur runnið um ófá bananaskinnin á vígvelli fjölmiðlanna í gegnum tíðina og gæti jafnvel átt heima í orðabók til frekari útskýringar eða sem víti til varnaðar.

Skemmst er að minnast upphlaupsins frá því í vor þegar Valur Fannar var píndur til afsökunarbeiðni á (ó)viðeigandi orðum sínum eða þegar blaðamenn rifjuðu upp ummæli formannsins frá því að skrifað var undir fjögurra ára samning við Willum Þór og hann svo látinn taka poka sinn einu sumri síðar. Fleiri óborganleg mál sem gaman er að skoða eru viðræður Vals við Prince Rajcomar (sem aldrei fóru fram, eða voru óformlegar...),  meint símtal við Atla Jóhannsson þáverandi leikmann ÍBV (hvaða Atla? (hóst)) og Stóra Bó málið frá 2005 verður seint full toppað.

Eða hvað? Tveir stórbeinóttir framherjar (sem báðir hafa komið við sögu hjá Val vel að merkja) hafa núna tekið Börkinn og runnið hvor um annan þveran og það á sama bananahýðinu. Gunnlaugur Jónsson nýbakaður þjálfari Vals prísar sig eflaust sælan að hafa ekki fallið um þá báða og fær því hlutverk statistans í þessari leiksýningu fáránleikans.

Að Eiður Smári Guðjohnsen skuli elta ólar við eitthvað sem Höddi Magg lætur út úr sér er óskiljanlegt en Skinkan gerir þó Evrópumeistaranum þann greiða að bíta höfuðið af skömminni. Eftir að Eiður kallaði Hörð feitabollu sem aldrei hefur spilað alvöru fótbolta var samúðin klárlega með Hödda kallinum. Alveg þangað til að Hafnfirska tæknitröllið fór í hlutverk fórnarlambsins:

“Ég er búinn að vera íþróttafréttamaður í tíu ár og þar áður var ég knattspyrnumaður og reyndar landsliðsmaður í fótbolta. Ég var bara að gefa mitt álit og það var ekkert annað sem bjó þar að baki.”

Landsliðsmaðurinn Hörður spilað heila níu A-landsleiki þar af sex vináttuleiki og skoraði  magnað mark gegn Ungverjum. Restin af landsliðsferli Harðar (ef feril má kalla) fór ekki í sögubækurnar og þrátt fyrir fjölda markakóngstitla hér heima þá þurfti enginn landsliðsþjálfari nokkurn tímann að réttlæta fjarveru hans úr liðinu. Þetta landliðstal Harðar telst honum því tæplega til tekna.

“Ég get sagt að þar sem hann segir að ég sé bara áhugamaður um fótbolta og sitji og horfi á leiki og annað. Ég er náttúrulega íþróttafréttamaður. Ég sit ekki bara og horfi á leikina, ég er að lýsa þeim og fjalla um í fréttum og leikgreina.”

Já hver kann ekki að meta þennan viskubrunn knattspyrnunnar sem Doktor Hörður er, hans stórkostlega innsæi og tilfinningaþrungin öskur þegar við á.

“Svo geta menn verið sammála eða ósammála því sem ég segi, allt gott og blessað ef menn eru málefnalegir. Ég get líkt þessu við það að margir frábærir þjálfarar í fótboltaheiminum gátu ekkert í fótbolta. Eiga þeir þá að vera að þjálfa liðið? Eru þeir ekki bara einhverjir áhugamenn? Þetta fellur svolítið um sjálft sig."

Hvert Hörður er að fara með þessu er ekki alveg ljóst, hins vegar fellur Afstæðiskenning Einsteins nánast svolítið um sjálfa sig í þessari rökleiðslu.

Eða hvað? Yfirleitt er einfaldlega best að segja sem minnst fremur en að bjóða upp á tækifæri til afbakanna og útúrsnúninga. Sakleysisleg ummæli manna í fjölmiðlum er oft auðvelt að blása út og gera sér mat úr því sem ekkert er. Börkur getur eflaust sagt mönnum það.

Skemmst er að minnast upphlaupsins frá því í vor og þegar Valur Fannar var síðan píndur til afsökunarbeiðni á (ó)viðeigandi orðum sínum eða þegar blaðamenn rifjuðu upp ummæli formannsins frá því að skrifað var undir fjögurra ára samning við Willum Þór og hann svo látinn taka poka sinn einu sumri síðar. Fleiri óborganleg mál sem gaman er að skoða eru viðræður Vals við Prince Rajcomar (sem aldrei fóru fram, eða voru óformlegar...),  meint símtal við Atla Jóhannsson þáverandi leikmann ÍBV (hvaða Atla? (hóst)) og Stóra Bó málið frá 2005 verður seint full toppað.

Eða hvað? Tveir stórbeinóttir framherjar (sem báðir hafa komið við sögu hjá Val vel að merkja) hafa núna tekið Börkinn og runnið hvor um annan þveran og það á sama bananahýðinu. Gunnlaugur Jónsson nýbakaður þjálfari Vals prísar sig eflaust sælan að hafa ekki fallið um þá báða og fær því hlutverk statistans í þessari leiksýningu fáránleikans.

Að Eiður Smári Guðjohnsen skuli elta ólar við eitthvað sem Höddi Magg lætur út úr sér er óskiljanlegt en Skinkan gerir þó Evrópumeistaranum þann greiða að bíta höfuðið af skömminni. Eftir að Eiður kallaði Hörð feitabollu sem aldrei hefur spilað alvöru fótbolta var samúðin klárlega með Hödda kallinum. Alveg þangað til að Hafnfirska tæknitröllið fór í hlutverk fórnarlambsins:

Landsliðsmaðurinn Hörður spilað heila níu A-landsleiki þar af sex vináttuleiki og skoraði magnað mark gegn Ungverjum. Restin af landsliðsferli Harðar (ef feril má kalla) fór ekki í sögubækurnar og þrátt fyrir fjölda markakóngstitla hér heima þá þurfti enginn landsliðsþjálfari nokkurn tímann að réttlæta fjarveru hans úr liðinu. Þetta landsliðstal Harðar telst honum því tæplega til tekna.

Já hver kann ekki að meta þennan viskubrunn knattspyrnunnar sem Hörður er, hans stórkostlega innsæi eða tilfinningaþrungin öskur þegar við á.

Hvert Hörður er að fara með þessu er ekki alveg ljóst. Afstæðiskenning Einsteins fellur nánast svolítið um sjálfa sig í þessari rökleiðslu.

Eða hvað? Yfirleitt er einfaldlega best að segja sem minnst fremur en að bjóða upp á tækifæri til afbakanna og útúrsnúninga. Eftir því sem menn tjá sig meira um óþægileg mál þeim mun dýpra ofan í holuna ná þeir að grafa sig. Sakleysisleg ummæli við fjölmiðla er oft auðvelt að blása út og gera mat úr því sem ekkert er. Börkur getur eflaust sagt mönnum það.