Myndin góða af Leifi óheppna er hér með endur-endurbirt með von um góð úrslit hjá þeim appelsínugulu gegn spútnikliði Keflavíkur.

*Valsarar.is þekkja hina og þessa menn á æðstu stöðum og innstu hringjum, að ógleymdum öllum helstu kjaftakerlingum beggja megin Faxaflóa. Einu og öðru hefur verið gaukað að okkur síðustu daga og eftirfarandi er það allra helsta. Taka ber skýrt fram að þetta eru allt sögusagnir sem ekki þurfa að eiga sér stoð í raunveruleikanum. En eins og gamla konan sagði þá ber ekki að láta góða sögu gjalda sannleikans.

Bate frá Hvíta Rússlandi mæta í dag á Vodafone völlinn í leik sem er líklega fyrsti Evrópuleikurinn í knattspyrnu sem fram hefur farið á Hlíðarenda. Eins og allir Valsarar vita þá sigruðu Hvít-Rússarnir okkur 2-0 á sínum heimavelli sem þýðir að ekkert minna en 3-0 sigur dugir okkur til að komast áfram. Leikurinn hefst klukkan 19.15 og verður upphitun hjá Stuðurum frá klukkan 17.00. Áframhaldandi þátttaka í undandkeppni Meistaradeildarinnar er í húfi og kúltúrferð til Brussel næsti dagskrárliður komist Valsliðið áfram. Íslenska þjóðin treystir því á okkur Valsmenn.